નિરાધાર બહેનોના ભાઈ બનીને રક્ષાબંધન ઉજવી

રક્ષાબંધનનાપવિત્ર તહેવારના દિવસે નિરાધાર બહેનોના ભાઈ બનીને મોરબીના બે યુવા ઉદ્યોગપતિઓએ પર્વની અનોખી ઉજવણી કરી હતી. નિરાધાર બહેનો પાસે પહોંચીને તેના ભાઈ બનીને પ્રેમથી રાખડી બંધાવી હતી અને પોતાની લાડકવાયી બહેનોને નાસ્તો કરાવીને તેમની સાથે સમય વિતાવ્યો હતો. ભાઈ-બહેનના અતુટ પ્રેમના પ્રતિક સમાન પવિત્ર રક્ષાબંધનના પર્વ બહેન તેના લાડકવાયા ભાઈના હાથમાં રાખડી બાંધતી હોય છે. પર્વની ધામધૂમથી દરેક સ્થળે ઉજવણી કરવામાં આવતી હોય છે પરંતુ આવા તહેવારોના પ્રસંગે સમાજ દ્વારા તરછોડવામાં આવેલા વંચિતો બાળકોને સૌ કોઈ ભૂલી જતા હોય છે. પરંતુ વંચિત બાળકો પણ તહેવારોની ખુશી મેળવી સકે તેના માટે સેવાભાવી લોકો જાગૃત હોય છે. ઉદ્યોગપતિ હરેશ ગાંભવા અને યોગી પટેલ દ્વારા રક્ષાબંધનના પર્વ નિમિતે નિરાધાર બાળાઓ સાથે પર્વની ઉજવણી કરી હતી.